Que podí adaise imaginar los sorríders e lo gai deus autes collaboradors de la linha numèro 2. Lo men qu'èra tant hòrt que perdí un moment lo contròle de la consòle. Punts suplementaris qu'èra tostemps bon a préner. De mei qu'èran a gratis. Adara la mea mèrca que rasejè dab l'excelléncia ; au purmèras tres plaças que vadè objècte d'aspiracion peus autes. Qu'èri urós d'estar lo motor de la passion de los qui d'ara enlà pianotèn suus lors pupitres aires envejós. Los mens qu'èran tot dret virar a l'intencion de la segonda e de la purmèra plaça. Un còp la dusau atenuda que traçarí camin dinc a la sola qui comptè vertat. La que lo monde e volèn. Per mei que me'n sovienossi n'i èri jamei pervienut. Un purmèr còp que's perhilè a cada cube. Que'm felicitarén. Amanda que'm felicitaré.

— Qu'avisam los nostes collaboradors que l'activitat e s'acabarà dens dètz minutas. Que'vs mercejam de la vòsta alacritat.

Aquesta votz monocòrda que vienè de sonar la mort de la mea ambicion. Devath la soa anóncia mecanica que m'èri lhevat, shens saber perqué. Perché la genta que's lhevavan ? Que calè que tornèssi a la mea plaça en profieitar de las dètz darrèras minutas tà'm pujar de cap aus mei beròis endrets de l'empont. Arrapar la possibilitat quita infima de plear lo men objectiu. Amassar las felicitacions, los platats amicaus sus las meas espatlas victoriosas ; enténer los collègas cantavan en canon la lor admiracion en tot m'en clacar deus ueilhs dab ua hami canibala. Qu'aví meritar tot aquò. Tostemps de d'òra a cada projècte; tostemps lo medish sorríder agrapat... Anèi decéber enqüèra los coordinadors ? Esglachat per la mea combinason verd poma que me'n vedí entà tornar préner la tiença. Que deví mancar de sau. Que sentivi en jo la hèita d'anar véder a qué semblava happyface38 e lo segond. Apercéber a qué semblava l'escaduda. Dilhèu quite apréner quin hasèn. Que s'estavan las dotze òras consecutivas que comptava l'activitat a aquestas posicions. Que devèn aver ua tecnica especiau. Que partivi a la lor cèrca.