Ou coné, da'n tem lonten mi té vive dan un ti case en boi sou tole. Mi di pa, nou té pove, akoz nou lavé manzé.

Zordi té manz la moru ek un bouyon bred, é domin nou té manz sat té ress.

Kan zenfan té malade nous té donne tizane, zerbaz la Rényon. Lo band doctèr té nou. traca paye couran, sa nou té coné pa, parcké nou té écléré ek bougi.

Nou té lave linz da'n fon la rivière. Do lo té mank pa. Zordi nous plère, toute lé trop sèr. nou lé malérè, pa pou un bouché manzé oui, mé akoz nou gagne pa assté lo dernié iphone.

Cossa sa lé ga ? La Rényon cé nou't nassyon. nou la perd la plipar nou't tradition. nou't z'encetre la batail po la liberté. Zordi nou lé enfermé, lo yeux lé bouché. Nou kalkil nou vive, mé nou vive pi marmay. Nou lé pliss dan la mizèr, zordi.

Allé rod un pié soussou par là. I trouve pi. Nou lé affamé, é nou plère pou papié toilette.

nou't racine, lé en train disparète. Coméla i existe un dictionnaire Créol. Mi di'a ou, mi giny pa ecri Créol, akoz, pou moin Créol i écri com la'rivé. mon gran-pèr té giny pa lir, té giny pa écri, é set la apri té écri avec lo kèr. Dan lé ba i di "a li" é nou ban'd yab lé ô nou di "a lu" é mi lé fièr, car mi lé Réyonné.